ازاى تبقى رخم..

التوبيك باين من عنوانه انه رخامة × رخامة

أصل الرخامة بقت الحاجة المتداولة الأيام دي ..


فأنا بكى هقلكو على حاجيات رخمة ..

ولو في حد عنده زيادة مايضرش ..

زيادة الخير خيرين بردو

::
::

قول نكته طويله و لما تيجى عند آخر سطر

و هو السطر المهم اللى فيه الأفيه

و أعمل نفسك نسيته

ولو حد غلس قوله : و الله كانت نكته جامده بس الظاهر أنى نسيتها .

::
::

هات بخاخه مطهر ديتول

و أمشى ورا شخص ما فى اى حته

و كل ما الشخص ده يمسك حاجه و يسيبها ...

تروح راششها بالمطهر على طول.

::
::

و أنت بتتكلم فى موضوع أقطع كلامك

و أدى انطباع أنك هاتكمل ... و ماتكملش ..."بس خلاص كده " .

::
::

لما حد يشكى لك من حاجه قوله أنا عندى مشاكل أكتر منك.

::
::

• فى مطعم... بص للشخص اللى قاعد على ترابيزه جنبك

و أنت ماسك لقمه فى ايدك

و قوله "ممكن الطحينه بتاعتك ثوانى" ؟.

::
::

كل ما حد يقولك حاجه عيدها بصيغه سؤال

مثلا هايقولك "مش أنا اتجوزت"

قوله "أتجوزت؟!"

هايقولك "اه الشهر اللى فات"

قوله " الشهر اللى فات؟!" ..... و هكذا .

::
::

و أنت واقف بتتكلم مع حد برق عينيك فجأه و أسأله "سمعت؟!"

هيسألك "سمعت ايه؟!"

قوله ولا حاجه ... خلاص راحت .

::
::

بعد عشر دقايق

اعمل نفس الحركه تانى .

::
::

و انت بتتكلم مع شخص ما

ماتبصش فى وشه أبدا .

::
::

و انت بتتكلم مع شخص ما

افضل مركز فى وشه اوى .

::
::

طول ما أنت قاعد مع اصحابك

صفر موسيقى نشيد بلادى بلادى .

::
::

علق فانوس كبير فى الشارع و حبال زينه

بشرط ميكونش فى رمضان !!! .

::
::

أتكلم مع الناس بصوت الروبوت

::
::


خد قلم من حد

وحط القلم فى بقك

و أعمل نفسك بتفكر و منهمك و أنت عمال تعضعض فى القلم !!! .

::
::


و أنت فى المول

ماتمشيش عادى

لأ .. افضل نط لحد ماتوصل للمكان اللى رايحه .

::
::


امضغ لبانه بصوت عالى و انت واقف جنب حد بيقرا مجله او جرنان

و أنت بتقرا معاه طبعا .

::
::

اعزم ناس فى حفلات ناس تانيه "عيد ميلاد او خطوبه او فرح ..." .

::
::

سيب اشاره العربيه الشمال شغاله لمده 5 كيلو متر من غير ماتلف ..

و بعدين اطفيها فجأه و كمل طوالى !!! .

::
::

أول ماتشوف كيس كاتشب واقع عالأرض دوس عليه برجلك جامد و قول للى معاك

"أنا كنت بشوفه فاضى و لا مليان" !!! .

::
::

فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض ..

"أصل أنا بحب الأغنيه دى اوى يا جماعة" !! .

::
::

لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

::
::


العب في ألوان التليفزيون لحد ما الصورة تبقى بنفسجى

وتبقى الناس كلها لونها بنفسجى

و اعزم اصحابك عالماتش عندك فى البيت ..

و لو حد اعترض

قوله "أنا شايف ان ده لون الحياه الحقيقى" !!! .

::
::

و أنت ماشى فى حته اى حاجه تقابلك طبل عليها .

::
::

البس جراب زى الجراب اللى بيتحط فيه المسدس ..

بس حط فيه الريموت كنترول .

::
::

غير القناه قبل نهايه الفيلم او الماتش او المسلسل بخمس دقايق .
::
::

أضحك لواحد ماتعرفهوش فى الشارع وقوله بصوت عالى " ازيك .. عامل ايه؟!!

يلا يا جماعة وروني الرخامة بس انا مش متحملة اي اضرار تحصلكوا

nice topic

merci ya noony