عشان انت مصرى

عشان انت مصرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

hehe merci ya gogo nice topic
karhtne fe msr msh 3wza 2kon msryaaaa
l2a tb3an bhazar da 2na ba7b msr awyy
thnx

hhhhhh
gamda t7n
law lam 2kon masrya yb2a eshta
lol......masr 2om l donya thanx ya gogo

hhhhhhhhhhhhhhhhh gamda 2wy thanx gogo

hahaaa aslan da she2 ma3roof 3an masr meen mn el masreen aw 3'er masry ra7 masr w 2al 3anha kalam 3dl
thnx ya gogo

nono masr de agmd balad ro7taha

nono men blzbt

hhhhhhh nice topic gogo thnxx

3la feka gamda gden
bas mhma 7sel masr om el doniea

msh leldrgady matwsalsh lel 2om !!!....

leeh bas?