تجوزينى...ادخل و اضحك من قلبك??

تتجوزيني ؟ -

ـ أفندم ؟

ـ بقولك تتجوزيني ؟

ـ ؟؟؟

ـ تتجوزيني ؟

ـ لأ

ـ ليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتي هتتجوزي عربية؟

ـ لأ ! .. بصراحة كده .. إنت مش فارس أحلامي اللي باتمناه

***********************************
ـ تتجوزيني ؟

ـ إيه ده ؟ شكلك اتغير

ـ إيه رأيك ؟

ـ واو .. شعرك بقة ناعم ! .. دي باروكة ؟

ـ أيوة

ـ ودي عدسات خضراء ؟

ـ أيوة

ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج

ـ مين عباس كيج ده ؟

ـ عباس ؟!! ياي .. إيه عباس دي ؟ اسمه نيكولاس

ـ مين نيكولاس ده ؟

ـ بقة مالكشي في السيما وجاي تكلمني ؟ .. ياي

***********************************

ـ تتجوزيني ؟

ـ انت لسه ليك عين تكلمني ؟

ـ أيوة .. أنا عرفت مين بنكرياس كيج ده

ـ أولاً : اسمه نيكولاس كيج

ـ أيوة أيوة .. كنت هاقول اسمه صح .. بس اختصرته .. ده ممثل

ـ ممثل إيه ؟

ـ ممثل أمريكاوي

ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي

ـ دونكي دي تبقى شتيمة ؟

ـ أوف كورس

***********************************

ـ تتجوزيني ؟

ـ عندك عربية موديل كام ؟

ـ موديل دي تبقى شتيمة ؟

***********************************
ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟

ـ نغمة دي تبقى شتيمة ؟

***********************************
ـ تتجوزيني ؟

ـ ما قلتليش .. إنت بتشتغل إيه ؟

ـ أنا -بلا فخر- عاطل

ـ عاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعني مش هتتجوزيني ؟

ـ لا

ـ كدة أنا أزعل

ـ ما تزعلش يا بابا .. خليك فريش

ـ ماشي .. ماشي .. بس قوليلي

ـ إيه ؟

ـ فريش دي تبقى شتيمة ؟

***********************************
ـ تتجوزيني ؟

ـ لقيت شغل ؟

ـ أيوة طبعًا .. سنتين وأنا بادور .. أخيرًا لقيت

ـ وإيه هو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيها إيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القف

***********************************
ـ تتجوزيني ؟

ـ جمعت مبلغ كويس ؟

ـ طبعًا .. مبلغ كبير جداً

ـ قد إيه يعني ؟

ـ ألف جنيه

ـ نعم ؟!!! .. ألف جنيه دول تروح تسرح بيهم ببطاطا

ـ يعني موافقة ؟

ـ روح اتنيّل

***********************************

ـ تتجوزيني ؟

ـ عندك شقة ؟

ـ طبعًا .. أوضة على السطوح

ـ نعم ؟

ـ إيه المشكلة ؟! .. أحسن ما ننام في الشارع

ـ في الشارع ؟! .. إيه الألفاظ السوقية دي ؟ ياي ! .. لازم يا بابا

تجيب شقة

ـ طيب .. كلها كام سنة وأجيبلك أحسن شقة في الدنيا

ـ وهتجيبها في جاردن سيتي ولا في الزمالك ؟

ـ لا .. في الأهلي .. هيهع هيهع هيهع

وعشان تكمل ضحك رود بأ يا حلو
‍
( بعد سنوات)

ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة .. صحيح

إنها اتأخرت لسبع سنوات .. لكن المهم إنها جات

ـ فانتاستيك

ـ بس الشقة ناقصة حاجة

ـ إيه هي ؟

ـ مفيهاش حمام

ـ امشي من قدامي ! .. مش طايقاك

***********************************

ـ تتجوزيني ؟

ـ إنت تاني ؟

ـ جبتلك حمّام إنما إيه

ـ خليه ينفعك

ـ ليه بس ؟ .. ده ينفع لينا احنا الاتنين

ـ وأنا مالي ؟

ـ مش عاجبك .. مش مشكلة .. أكتبه باسمك

***********************************
(بعد سنين)

ـ هتتجوزيني ولا أولع فيكي ؟

ـ ومالك محروق كدة ؟

ـ حكايتنا طولت قوي .. طولت أكتر من اللازم

ـ أوكي .. بس ممكن أعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك

(بضم الحاء)

ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين

خليك روش وقول

I love you

ـ ماشي .. بس قوليلي

ـ نعم ؟

ـ روش دي تبقى شتيمة ؟

***********************************

ـ تتجوزيني ؟

ـ بصراحة .. في حاجة كنت عاوزة أقولهالك من زمااااااان

ـ إيه ؟

ـ أنا بصراحة .. مش شايفة إن في حد في العالم يستاهلني

ـ يا سلام ! .. ليه ؟


ـ عشان أنا جميلة .. خفيفة الدم .. رشيقة .. رقيقة

ـ رقيقة ؟! .. ده انت بدأتي تقشفي

ـ فشر

ـ فوقي لنفسك .. العمر بيجري

ـ أنا مصرة على رأيي

ـ يعني إيه ؟

ـ يعني اقطع معايا

ـ بعد كل السنين دي ؟! .. بعد كل الحب ده ؟

بلاش تراجيديا من فضلك -

ـ ماشي .. بس قبل ما أمشي عاوز أسألك سؤال واحد بس

ـ إيه هو ؟

ـ تراجيديا دي تبقى شتيمة ؟

***********************************

( بعد سنوات )

ـ تتجوشيني ؟

ـ إيه ؟

ـ تتجوشييينييييييي ؟

ـ إنت مين ؟

ـ أنا حبيبك يا هبلة .. البشي النضارة عشان تشوفيني

ـ طيب شاعدني عشان ألاقي النضارة

ـ آهي على الترابيزة قدامك

ـ فين ؟


ـ لا دي نظارتي أنا


ـ أيوة لقيتها


ـ البشيها بقة

ـ ططييبب

ـ عينيكي فوق شوية .. ده بقك

ـ مش شامعة

ـ بـ .. قوللـ .. كوح .. كوح .. بقولك .. تـ .. تـ .. كوح .. كوح

تتجوشيـ .. ؟ كوح .. كوح

ـ أجوش مين ؟

ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ

ش .. كوح كوح كيح .. ميـ .. كوح .. مين ؟

ـ إيه ؟

ـ لا .. كوح .. أبدًا .. كوح .. كنت … كح كح .. بأكح

ـ كنت بتكح ؟!!!! .. شلامتك .. ما قلتليش ليه ؟

ـ هو .. كوح .. إنتي .. لشة .. عارفـ .. ـة .. كوح كوح

ـ بتقول إيه ؟

ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو

شيـ .. كوح كوح كوح كوح .. نـي ؟

ـ أجوشك ؟!! .. طب بش خد الدوا الأول


ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح

كوح كوح .. ـني ؟

ـ أيوة يا حاج .. موافقة

موافقة إنك تتكوشني ..أخيـ….كوح كوح ..راااااً !! .. كوح كوح -

كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع

ـ يا حاج .. يا حاج

لااااااااااااااااااااااااااااا

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh

thanx ya nouran

lol hahahaha
to7fa ya noony

gamdaaaaaaaaaaaaaaaaaaaaaaaaaaaaaaaa 7lwa gyda

Shokran ya nona gmda 2wi b2olak 2ih tatgwzene????!!!!

mashe ya sally 2na mwf2 2tgwzek 7ad la2e ?
bs 2mta m3ad al far7 3ashan mst3gla 2bl m3ns :D
thnx all 4 the replay

2nte 7dade bra7tak ya nouran

hhhhhhhhhh gamda 2wy ya noony thnxxxxxxx
w matnsosh t3zmony b2a 3la elfra7

5alas ya sally al far7 f nfs al yom da al sana al gaya eshta f nfs al w2t da
mashe ya dodo hn3zmk tab3an kol l f al montada 2wl al m3zem
yalla 3wza 2sm3 z3'rota (loooooooolyyyyyyyyyyyy) ya 2lf nhar 2byd 3o2balko kolko :D

eih 2let el2db de 27na fe montada mo7taram 3eb el7agat da al ttgawzeny al elklam da mesh hna
looooooooool bhzar

w bma 2ny 2wel elm3azem f 2na btamenko 2ny mesh hgyblko 2y 7aga w kfaya 2slan 2ny hagy 3la nfsy w h7dar elfr7 2sl 2na sara7a msha3'ly kteeeeeeeeeeer w 3ndy million m3ad fe nfs elyom bs bardo hagy 2bawazlko el fara7 w 2mshy

Nooonyyy...gamda 25er 7aga..ye5rebet el zorf..

thnx ya randa 4 the replay lool