أنت ليه مش بتمسك إيدي وإحنا ماشيين في الشارع؟

لسه اصحاب
"أنت ليه مش بتمسك إيدي وإحنا ماشيين في الشارع؟" "لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن شاء الله يا حبيبتي بكره نتخطب وامسك إيديكي ادام الدنيا كلها". .................................
لما اتخطبوا
"أنت ليه مش بتمسك إيدي وإحنا ماشيين في الشارع؟" "علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال". .................................
خلاص اتجوزوا
"أنت ليه مش بتمسك إيدي وإحنا ماشيين في الشارع؟" "يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله"
. ................................. بعد ما خلفوا
"أنت ليه مش بتمسك إيدي وإحنا ماشيين في الشارع؟" "يعني امسك إيدك والا امسك إيد البنت والا اشيل الأكياس دي كلها؟!" ...............................
بعد 25 سنة جواز
"أنت ليه مش بتمسك إيدي وإحنا ماشيين في الشارع؟" "إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟!"

hehehehe gamda gdan ya nerr thnx for this nice topic

hhhhhh 7lwa 2wy thnxxx

merci ya noony

thanxxx ya koki

2ih 2l ragel 2l bared da bas gmda 2wi ya nerr merci 2wi ya 2mr

gamda 2wy ya nermine mercii ya 2mr